الممول عايز كده

معتز عبد الفتاح قالها لزميله عمرو أديب صريحة "أنت معتمد في اللي بتعمله على ناس بتديك فلوس علشان متشوفش إخوان تاني".

يعني إيه؟ 

يعني أولا أن الممول شريك أساسي؟ صاحب المال حر فيه؟ والشريك المصري المستبد على مدى العصور رهن البلاد للشريك الأجنبي وفتحها له على مصراعيها ليستغل ثرواتها لكي يبقى المستبد المحلي في الحكم؟ وما يحدث الأن امتداد لتقاليد سحيقة.

ثانيا: يعني انسوا موضوع الحوار مع الانقلاب والمبادرات ... ألخ، الشريك المصري مش صاحب قراره أصلا، الشريك الأجنبي مش عايز إخوان، يعني الراجل الكبير يعمل إيه؟ يموت نفسه علشان خاطركم؟ هما قالوله مش عاوزين إخوان!؟

موضوع الحوار ده خيالات ممكن نتسلى بيها؟ الناس دي مش بتحاور؟ اللي عايز الفلوس يقبل الشروط؟ واللي مش عاجبه يدور له على ممول تاني ويرجع فلوسنا. خاصة إن اللي عايزين تمويل كتير.

ثالثا: الناس مش عايزة تشوف إخوان أصلا، يعني ما ينفعش شرعية ولا برلمان ولا حكومة ... ألخ، الممول مش عايز يشوف إخوان، الأمور واضحة، وطلبات الممول أوامر، والشريك المصري يجب أن يرضى الشريك الأجنبي ويكرمه، أصل الكرم ده طبع مصري أصيل، بس الشريك الأجنبي يأمر.

السؤال هو ما هو حدود الاستئصال اللي عايزه الشريك الأجنبي؟ سيبك من الناس اللي ماتت، الله يرحمها، ويكرمها في جناته، السؤال عن الناس اللي لسه عايشة، وهم كتير.

يعني ينفع نسيب الإخوان بره السجون ولا نلمهم كلهم؟ طيب نعمل فيه إيه بعد عدة أشهر؟ طيب نطلع قرار نجردهم من حقوقهم السياسية (زي قرار الإرهاب كده) ولا نجردهم من الجنسية المصرية كلها ونستريح؟

يا ريت حد يقول للشريك المصري يسأل الشريك الأجنبي هو عايز إيه بالضبط علشان نعرف ونستريح؟

ولا إيه رأيكم!؟